【 #みーちゃん & #くーちゃん 家族記念日3周年】
6月30日，係姐弟同聲些成為一家人紀念日。
3年前嘅6月30，聲些抱住3個月大嘅姐弟返到屋企。仲記得細佬一落地，捉都捉唔住就攝咗入櫃邊唔肯出嚟，嚇到聲些喊咗出嚟。好彩有家姐，我哋互望咗一陣，佢就主動嗲我同我玩，食完飯飲完水就跳上我身度，露住肚肚瞓着覺，成個人仔咁。細佬發現家姐同我玩得咁開心，終於放低戒心，行番出嚟 。第二朝，明明開住冷氣竟然熱醒，擘大眼先feel到原來姐弟黐實我條頸一齊瞓緊。自此，我哋3個就形影不離，成為一家人了。🥺
可能嗰排睇得太多 Rick & Morty，諗嘢諗得太遠，第二日同佢哋玩嗰陣，又忍唔住喊。我都唔想咁矯情，只係一諗到佢哋終有一天要返番上彩虹橋，就忍唔到眼淚……家陣一路寫，一路滴緊。
我同自己講，每日起碼要同佢哋玩30分鐘，結果就係佢哋跳上我書枱，陪我教書上網打稿8粒鐘。家姐最鍾意就係玩互相追逐（佢第一次追住我跑，我真係呆咗……原來貓貓都可以玩得咁主動），細佬見到，就會參與埋一份，撲下家姐又追住我跑咁。跑到攰（主要都係我攰先），就齊齊攤響地氈碌地。噚晚，我哋又狂跑咗一輪，互蹭咗一陣，姐弟每人啪咗支無麩質ちゅーる，然後就拍咗呢幅3週年紀念合照。生有時，死有時；聚有時，散有時，世上任何事物都有消失嘅一天，好多時仲係毫無預警下發生。現實有幾殘酷，可能就係我哋心入面有幾愛嘅投射。在有限嘅時日裡，好好珍惜同愛護你仲可以去愛嘅人和事吧，唔好等到消失咗先嚟可惜，臨終先嚟後悔，可以嘛？
仲記得貓義工妹妹當日同聲些講，呢兩姐弟係註定嚟陪你㗎！多謝みーちゃん同くーちゃん（同埋貓義工妹妹）揀咗我，これからもよろしくね。
#紀念粉紅色iMac寶寶影嘅第一張相
#個前鏡頭係咪太勁？
#家族写真
＿＿＿＿＿＿＿＿＿＿＿＿＿＿＿
追蹤 #PEGGY先生 #ペギー先生 #peggysensei 🙋🏻♀️
🔵 Facebook 🟤 Instagram 🔴 YouTube 🟠 MeWe
🎧 Clubhouse日本話題節目不定期放送：peggysensei
＿＿＿＿＿＿＿＿＿＿＿＿＿＿＿
Search